Crwt o Aberteifi yw Ceri Wyn Jones. Enillodd Gadair yr Eisteddfod Genedlaethol ddwywaith, ynghyd â’r Goron, ac ef yw’r Meuryn, sef cyflwynydd a beirniad cyfres Y Talwrn ar BBC Radio Cymru. Bu’n Fardd Plant Cymru ac mae wedi cyhoeddi cyfrolau o gerddi i blant ac oedolion. Wedi dilyn gyrfa fel athro Saesneg ac wedyn fel golygydd llyfrau, mae bellach yn gweithio ar ei liwt ei hun fel awdur, darlledwr, golygydd a thiwtor ysgrifennu creadigol.
