Prosiect Tyfu’n Wyllt

Derbyniodd Llenyddiaeth Cymru grant gan gynllun Grow Wild/Tyfu’n Wyllt i drawsnewid rhan o ardd Tŷ Newydd. Rhaglen pedair blynedd ydi Tyfu’n Wyllt er mwyn annog pobl i hau blodau gwyllt brodorol yn eu gerddi. Mae’r prosiect ariannu yn cael ei arwain gan Erddi Botaneg Brenhinol Kew a’i gefnogi gan y Gronfa Loteri Fawr. Un bore Llun ym mis Mai, daeth criw brwdfrydig o bobl ifanc GISDA draw i dorchi llewys yn yr ardd er mwyn creu llecyn tawel i fyfyrio, ysgrifennu neu ymlacio, wedi ei hysbrydoli gan gysyniad ‘gardd zen.’ Er mwyn i bawb gael eistedd i lawr a chymryd hoe o’r gwaith corfforol, cafwyd gweithdy ysgrifennu geiriau caneuon yng nghwmni’r cerddor Iwan Huws o’r band Cowbois Rhos Botwnnog.