Mae’r Coed yn Trysori’r Hyn A Gollasom

Troedia’n ofalus wrth inni grwydro hyn o gerdd.

Gwylia olion ein siwrneiau’n cyfoethogi’r pridd.

Mae atgofion ynghwsg yma, dan drum a chŵys,

yn disgwyl maeth a gwres ein geiriau ni.

Mae’r coed yn trysori’r hyn a gollasom,

ac arlliw wynebau’r hanner-cof ar eu rhisgl.

Casgla’r cerddin, coch fel brics, a phriciau derw a bedw,

casgla holl liwiau’r cof ynghyd

wrth i ni ymlwybro trwy goedwig amser.

(

Hanan Issa, Bardd Cenedlaethol Cymru

cyfieithiad Cymraeg gan Iestyn Tyne.