Mae Huw Aaron yn arlunydd, cartwnydd ac awdur, yn bennaf o lyfrau plant a phobl ifanc. Dechreuodd fel cyfrannydd cyson i gylchgronau megis Private Eye, The Spectator, Reader’s Digest ag ati, cyn canolbwyntio mwy ar ddarlunio llyfrau. Mae e wedi creu lluniau a chloriau ar gyfer dros gant o lyfrau i blant ac oedolion erbyn hyn, i weisg Cymru, yn ogystal â Penguin, OUP, ac eraill.
Huw yw golygydd y comig poblogaidd, Mellten, cartwnydd BBC Cymru Fyw, cyflwynydd y rhaglen deledu ‘Cer i Greu’, ac mae’n rhannu fideos arlunio ar ei sianel YouTube ‘Y Criw Celf’. Ond ei hoff weithgaredd yw gweu straeon gyda delweddau – heblaw am wario amser gyda’i deulu.
