Daw Haf Llewelyn yn wreiddiol o Ardudwy, ond yn byw bellach yn Llanuwchllyn. Mae’n ysgrifennu nofelau, barddoniaeth, gwaith ffeithiol creadigol ac adnoddau addysg, ac mae wedi cyhoeddi ar gyfer oedolion, pobl ifanc a phlant. Mae wedi cynnal gweithdai ysgrifennu creadigol ym mhob rhan o Gymru. Enillodd ei nofel Diffodd y Sêr, Wobr Tir na n-Og yn 2014 a chyrhaeddodd ei chyfrol o farddoniaeth Llwybrau Restr Hir Llyfr y Flwyddyn yn 2010.
