Mae Llenyddiaeth ar Draws Ffiniau a Chyfnewidfa Lên Cymru yn falch o gyhoeddi ymweliad â Chymru gan yr awdur Quebecois arobryn Christian Guay-Poliquin fel rhan o brosiect cydweithredu â Gŵyl Metropolis Bleu Montreal a gefnogir gan Lywodraeth Cymru. Mae Ysgrifennu’r Amgylchedd, Amgylchedd Ysgrifennu yn gyfres o dri digwyddiad byw sydd wedi datblygu o’n cydweithrediad â Gŵyl Metropolis Bleu ym Montreal sy’n dwyn ynghyd Christian Guay-Poliquin gyda’r awdur a’r sgriptiwr o Gymru Fflur Dafydd i fyfyrio ar ein perthynas â natur a’i heffaith ar yr amgylchedd ac ymddangos gyda’i gilydd yn eu lleoliadau cartref. Yn Aberystwyth bydd Christian yn sgwrsio gyda’r nofelydd Siân Melangell Dafydd am ysgrifennu mewn iaith fechan ac am sut mae’r mudiad iaith yn Quebec wedi llunio diwylliant yn y dalaith ac yn ninas fywiog Montreal.