Sut i fachu asiant
Dydd Mawrth 29 Medi
7.00 – 8.00 pm
Iaith y sesiwn: Saesneg, gwasanaeth cyfieithu ar y pryd
Siaradwyr: Anwen Hooson a Abi Fellows
Ymunwch â dau asiant llenyddiol am sgwrs agored, ddidwyll am yr hyn sy’n denu eu sylw, yr hyn sy’n gwneud iddynt roi gorau i ddarllen, a’r hyn mae awduron yn aml ei gamddeall am gyflwyno eu gwaith i asiant a chyhoeddwyr. Dyma yw eich cyfle i glywed dau asiant yn trafod esiamplau o waith a rhai o’r cwestiynau byddwch wedi eu rhannu’n ddi-enw o flaen llaw.
Bydd yr asiantau hefyd yn archwilio rhai o’r camsyniadau am bwysigrwydd lleoliad, ac yn trafod i ba raddau oes angen bod yn Llundain mewn gwirionedd er mwyn ymuno â byd cyhoeddi’r DU, a’r llwybrau sydd ar gael i awduron o Gymru sy’n datblygu eu gyrfaoedd.
Dewch â’ch cwestiynau. Ewch oddi yno gyda gwell ddealltwriaeth o’r hyn y mae asiantau’n chwilio amdano, a sut i roi’r cyfle gorau posibl i’ch gwaith.
Ysgrifennu i Bobl Ifanc: Cyfarfod y Cyhoeddwyr
Dydd Mawrth 27 Hydref
7.00 – 8.00 pm
Iaith y sesiwn: Cymraeg
Siaradwyr: Detholiad o weisg Cymru
Mae cyhoeddi ar gyfer plant a phobl ifanc yn faes bywiog a phwysig o fewn y diwydiant llyfrau Cymraeg. Mae’r sesiwn ryngweithiol hon yn rhoi cyfle i awduron glywed yn uniongyrchol gan gyhoeddwyr am y broses o gyflwyno syniad, datblygu llawysgrif a chyrraedd darllenwyr ifanc. Yn hytrach na chyflwyniadau ffurfiol, bydd y drafodaeth yn canolbwyntio ar gwestiynau ymarferol wedi eu rhannu gan y gynulleidfa o flaen llaw., Bydd y panel yn tdrafod yr hyn mae cyhoeddwyr yn chwilio amdano, sut mae’r farchnad llyfrau plant a phobl ifanc yn datblygu, rôl golygyddion, a’r cyfleoedd sydd ar gael i awduron o Gymru. Bydd y sesiwn yn cynnig cipolwg gwerthfawr ar fyd cyhoeddi Cymraeg ac yn helpu awduron i ddeall sut i ddatblygu eu gwaith a chreu gyrfa ysgrifennu ar gyfer cynulleidfaoedd ifanc.
Ysgrifennu i Bobl Ifanc: Cyfarfod y Cyhoeddwyr (Cyhoeddi yn Saesneg)
Dydd Mawrth 3 Tachwedd
7.00 – 8.00 pm
Iaith y sesiwn: Saesneg
Siaradwyr: Detholiad o weisg Cymru
Beth sydd ei angen ei wneud er mwyn cael llyfr i blant neu bobl ifanc wedi’i gyhoeddi, a beth mae cyhoeddwyr yn chwilio amdano ar hyn o bryd?
Mae cyhoeddi llyfrau i blant a phobl ifanc yn un o rannau mwyaf cyffrous a deinamig y diwydiant llyfrau, gyda chyfleoedd cyffrous ar gyfer awduron yng Nghymru sy’n ysgrifennu yn Saesneg.
Ymunwch â chyhoeddwyr blaenllaw a gweithwyr proffesiynol yn y diwydiant ar gyfer gweminar ryngweithiol a difyr sy’n mynd i’r afael â’r chwestiynau mawr awduron. Byddwn yn edrych ar yr hyn y mae cyhoeddwyr yn chwilio amdano, sut mae’r broses gomisiynu yn gweithio a beth all wneud i waith awdur sefyll allan. Ar hyd y ffordd, byddwn yn trafod rhai o’r materion allweddol sy’n wynebu awduron heddiw, o ddod o hyd i’ch cynulleidfa a deall tueddiadau cyfredol i weithio gyda golygyddion, darlunio a meithrin gyrfa gynaliadwy ym maes ysgrifennu i blant a phobl ifanc.
Cewch gyfle i gyflwyno’ch cwestiynau ymlaen llaw. P’un a ydych yn datblygu eich llyfr cyntaf i blant, eisoes gyda llyfr wedi ei gwblhau neu’n awyddus i fynd â’ch gyrfa ysgrifennu i gyfeiriad newydd, bydd y noson hon yn gyfle i glywed yn uniongyrchol gan weithwyr proffesiynol ym maes cyhoeddi a chael mewnwelediad ymarferol ar sut I ddatblygu eich hun fel awdur i blant a phobl ifanc.
Cyfarfod y Cyhoeddwyr: Sesiwn Diwydiant Rhithiol (Cynrychioli Cymru)
Dydd Mawrth 10 Tachwedd
7.00 – 8.00 pm
Iaith y sesiwn: Saesneg
Siaradwyr: Detholiad o weisg Cymru
Mae’r sesiwn ryngweithiol hon yn cynnig trafodaeth fywiog wedi’i siapiogan gwestiynau a gyflwynir gan y gynulleidfa ymlaen llaw, ynghyd â chyngor ymarferol. Drwy ganolbwyntio ar y materion pwysicaf i awduron, bydd y weminar yn rhoi cipolwg gwerthfawr ar y diwydiant cyhoeddi yng Nghymru gan ganiatáu i gyhoeddwyr fynd i’r afael â chwestiynau cyffredin mewn modd ystyrlon a chynhwysfawr a chyfeirio awduron at gyfleoedd a chefnogaeth bellach.
Mae’r sesiwn yn dechrau gyda chyflwyniadau byr gan y gweisg ac yna sgwrs wedi’i hwyluso yn seiliedig ar y cwestiynau mwyaf cyffredin a gyflwynir gan y gynulleidfa ymlaen llaw. Bydd rhan olaf y sesiwn yn canolbwyntio ar gwestiynau gan y gynulleidfa byw, gyda phob cyhoeddwr yn rhannu un darn allweddol o gyngor a cham nesaf i awduron.
Sut dwi’n sgwennu
Dydd Mawrth 17 Tachwedd
7.00 – 8.00 pm
Iaith y sesiwn: Saesneg
Siaradwyr: Alex Wharton, Anthony Shapland, Rachel Dawson
Mae pob awdur yn datblygu ffordd ei hun o weithio, nid oes un ffordd pendant o syniad cychwynnol i ddarn gorffenedig. Yn y sgwrs hon, bydd awduron blaenllaw o Gymru yn rhannu cipolwg gonest ar eu proses greadigol, gan archwilio o ble mae syniadau’n dod, sut maent yn mynd ati i ymchwilio a drafftio, beth sy’n digwydd pan maen nhw’n colli momentwm, a sut maent yn gwybod pryd mae darn wedi’i orffen.
Gan ddod ag awduron yn gweithio mewn sawl genre gwahanol at ei gilydd, bydd y sesiwn yn tynnu sylw at y nifer o ffyrdd gall arfer ysgrifennu esblygu dros amser, p’un a ydych yn cydbwyso ysgrifennu â gwaith arall, ymateb i gomisiynau, neu’n symud rhwng nofelau, barddoniaeth, ysgrifennu ar gyfer y sgrin. Trwy drafodaeth wedi’i siapio gan gwestiynau gan y gynulleidfa, byddwchyn derbyn cyngor ymarferol, ac yn gadael gyda dulliau newydd y gallwch eu defnyddio ym mhrosesau creadigol eich hunain. Bydd y sesiwn yn dathlu’r ehangder ac amrywiaeth o dalent creadigol cyfoes i’w ganfod yng Nghymru wrth atgyfnerthu bod proses pob awdur yn unigryw.