Carfan Ysgrifennu Ffuglen

Mae A Saldanha yn awdur a chyfieithydd. Mae rhan helaeth ei gwaith yn canolbwyntio ar fywyd a diwylliant Arabaidd a De Asia. Mae ei herthyglau a’i thraethodau wedi ymddangos mewn cyhoeddiadau ym Mhrydain, India, Lebanon, Pakistan, yr UDA a’r Emiradau Arabaidd Unedig, ac mae ei chyfieithiadau llenyddol o’r Arabeg wedi eu cyhoeddi yn Words Without Borders, Two Lines, ac mewn antholegau a gyhoeddwyd gan IB Tauris, Ithaca Press and Zed Books. Mae ganddi ddiddordeb penodol yn hanes pobl o dde Asia yn y Gwlff, ac Arabiaid y Gwlff yn Ne Asia, ac mae'r straeon y mae hi'n gweithio arnyn nhw ar hyn o bryd yn archwilio'r hanesion hynny.

Mae Amy Grandvoinet yn byw yn Aberystwyth, ac ar hyn o bryd mae’n trafod telerau Doethuriaeth ysgrifol yn yr hyn a elwir yn seicoddaearyddiaethau llenyddol. Mae’n aelod o’r Rhwydwaith Ymchwil Rhyngwladol Situationist, ac yn gyd-sylfaenydd gwasg think.material. Mae’n mwynhau archwilio cynrychiolaeth lleoliadau cymdeithasol gymhleth (y mae’n eu dilyn ar ei gwefan amygrandvoi.net ac ar y blog Going About, Baby). Ar hyn o bryd mae’n cydweithio ar exorcism diwylliannol gyda la Museo del Camminare Venezia ac addysgu ysgrifennu awtoethnograffig ym Mhrifysgol John Moores Lerpwl.

Mae Anest Williams yn awdur o Ddyffryn Nantlle sydd bellach yn byw yng Nghaerdydd. Astudiodd Saesneg yn Glasgow, lle dechreuodd ymwneud â newyddiaduraeth i fyfyrwyr. Cyfrannodd at y gyfrol ddwyieithog Cymry. Balch. Ifanc (Rily, 2024) gyda’i phrofiad fel menyw cwiar yng Nghymru. Mae hi’n treulio ei hamser yn darllen, cerdded, neu’n dilyn sgwarnogod ar dudalennau Wikipedia! Ar hyn o bryd mae’n gweithio fel ymchwilydd cymdeithasol ac yn byw gyda’i phartner a’u gwenci, Malwen.

Mae Kaja yn awdur, newyddiadurwr ac ymgyrchydd arobryn. Mae gwaith Kaja wedi'i gyhoeddi mewn amrywiaeth o gylchgronau uchel eu parch fel Atmos, Refinery 29, Diva Magazine a The Welsh Agenda. Mae ganddi hefyd draethawd wedi'i gyhoeddi yn y llyfr Rife: 21 Stories from Britain’s Youth sydd wedi ei olygu gan Nikesh Shukla. Dyfarnwyd Gwobr Artist Ifanc WLCOW 2024 i Kaja am ei gwaith creadigol. Ym mis Mawrth 2025 dewiswyd Kaja yn Artist y Mis Celfyddydau Anabledd Cymru. O fis Awst 2024 - Awst 2025, Kaja oedd Golygydd Adolygiadau dros dro Poetry Wales. Mae hi bellach yn gweithio fel Cynorthwyydd Marchnata i gylchgrawn Folding Rock.
Mae Kaja yn archwilio themâu cyfiawnder cymdeithasol, anabledd, iechyd meddwl, bywyd LHDT+ ac amgylcheddaeth yn ei hysgrifennu. Ar hyn o bryd mae hi'n gweithio ar lawysgrif ffantasi sy'n cwmpasu'r elfennau hyn mewn lleoliad Nordig.

Mae Holly Müller yn awdur a cherddor sy’n byw ym Mannau Brycheiniog. Mae ei straeon byrion wedi eu cyhoeddi yn Rarebit (Parthian Books, 2013) a New Welsh Fiction (Seren Books, 2015). Cyhoeddodd ei nofel gyntaf My Own Dear Brother gan Bloomsbury yn 2016, a dewiswyd yn Llyfr y Mis Waterstones a cafodd adolygiadau ffafriol yn The Guardian, The Independent, The Sunday Times, Sydney Morning Herald a mwy. Mae gan Holly Ddoethuriaeth mewn Ysgrifennu Creadigol o Brifysgol De Cymru, lle bu’n dysgu israddedigion. Mae Holly wedi ysgrifennu ar gyfer papurau newydd lleol a chyhoeddiadau arlein nodedig, ac wedi perfformio mewn gwyliau llenyddol megis Cheltenham, Y Gelli, Talacharn a Gŵyl Lyfrau Caerdydd.

Mae Jason (Nhw/Eu) yn berson cwiar anneuaidd balch o Gaerdydd. Maent wedi gweithio mewn swyddi creadigol amrywiol gan gynnwys dylunydd sêr, cydlynydd arddangosfa deithiol, Rheolwr siop Lyfrau, a Chydlynydd Adran Gelfyddydol.

Pan nad yw Jason yn sgwennu neu’n gweithio yn y llyfrgell, maent gan amlaf yn darllen, paentio, pobi, neu’n cerdded y ci gyda’u partner.

Mae Mason Lloyd (fo), awdur ffuglen a barddoniaeth, yn dod o gymoedd de Cymru ac mae bellach yn byw yng Nghaerdydd. Y cyntaf o'i deulu i fynd i'r brifysgol, astudiodd Iaith a Llenyddiaeth Saesneg ym Mhrifysgol Rhydychen. Mae cylchgrawn Poetry Wales wedi cyhoeddi cyfweliad ag o yn ogystal â rhai o’i gerddi. Ar hyn o bryd mae'n gweithio ar ei nofel gyntaf am ysgolion cyfun Cymru yn ystod y 2000au yn ogystal â chasgliad o straeon byrion sy'n tynnu ar ei gefndir Cymreig a Gwyddelig. Mae ei ddiddordebau ysgrifennu yn cynnwys natur, gwallgofrwydd, dosbarth, Gwlad Groeg, rhyfeddod, hanes, a natur ein cyflwr cyfoes.

Mae Matt Roberts yn awdur o gymoedd de Cymru. Yn ddiweddar, cafodd Matt ei enwebu ar gyfer Gwobr Ffuglen Ink Of Ages ac mae ei waith wedi ei gyhoeddi yn Writers Magazine, Nursing Times a'r British Journal of Nursing.

Llun: Jess Gough

Mae Naomi Pearce yn awdur sy'n byw yng Ngheredigion. Mae hi’n ysgrifennu ffuglen, beirniadaeth a gwaith bywgraffiadol sy’n archwilio marwolaeth, chwant a pheidio â pherthyn. Mae ei gwaith wedi ymddangos yn Art Monthly, Happy Hypocrite, e-flux Criticism a The White Review, ymhlith eraill. Yn 2023, cyhoeddodd ei nofel gyntaf, Innominate, gyda llyfrau MOIST, a ddisgrifiwyd gan Iain Sinclair fel "clasur o archaeoleg leol". Mae ei hysgrifennu ar ymarfer archifol ymgorfforol wedi'i gynnwys yn Gestures: A Body of Work, Gwasg Prifysgol Manceinion a rhifyn British Art Studies 'Queer Art in Britain Since the 1980s', y ddau yn 2025. Mae hi'n dysgu ymarfer rhyngddisgyblaethol ym Mhrifysgol Aberystwyth.

Mae Pete Evans yn awdur ac yn dywysydd teithiau yng ngogledd-ddwyrain Cymru. Mae wedi ysgrifennu dau lyfr am afonydd: Resurrection River on the Alun a The Holy Dee. Ym mis Gorffennaf, enillodd y Chesire Prize for Literature- Flash Fiction Category. Mae ei wreiddiau Gymreig-Romani wedi meithrin cariad at chwedleua iddo, ac mae’n defnyddio’r ddisgyblaeth honno i gynnal teithiau tywys o amgylch gogledd Cymru a Chaer.

Mae Shazz yn awdur o Ynys Môn. Pan bu i’w gyrfa ddymchwel, canolbwyntiodd ar ei hysgrifennu, yn gyntaf trwy gwblhau cwrs ysgrifennu creadigol gyda’r Brifysgol agored. Ers hynny, mae wedi cwblhau nifer o gyrsiau arlein sy’n amrywio o lefelau Isradd i lefel Meistr gyda Phrifysgol Rhydychen, Sefydliad Arvon, Raw Writing ac Addysg Oedolion Cymru. Ar hyn o bryd, mae hi’n ysgrifennu ei hunangofiant yn olrhain ei bywyd fel menyw sy’n heicio ar ei phen ei hun tra’n ymdopi â heriau iechyd amrywiol. Mae’r nofel sydd ar y gweill ganddi yn archwilio themâu ynghylch colli partner, gyda hiwmor tu hwnt o dywyll. Hi oedd enillydd gwobr sgwennu JKP.

Mae Theo Malings (hi/hi/hi) yn awdur Eingl-Gymreig. Mae ei ffuglen wedi cyrraedd rhestr fer y First Novel Prize, ei gwaith ffeithiol greadigol ar restr hir y Creative Futures Prize, ei ffuglen fer wedi ei gyhoeddi yn The People’s Friend, ac enillodd ei nofel gwyddonias i bobl ifanc Wobr Faber ACTION! a bydd yn cael ei chyhoeddi gan Faber yn 2027. Mae hi'n gweithio ar nofel lenyddol ddychmygol sy'n ystyried trais cynnil y gymdeithas 'heteronormal' a'r rôl y caniateir i fenywod ei chwarae yn straeon dynion. Mae pethau’n denu ei sylw oddi-ar ei thasgau yn hawdd, ond mae'n mwynhau brodweithiau anferth!

Mae Soma Ghosh yn awdur dwyieithog Prydeinig-Indiaidd-Bengali sy'n archwilio hil, rhywioldeb, lle a rhywedd yn ei gwaith ffeithiol a'i beirniadaeth ddiwylliannol. Mae ei thraethodau a'i hadolygiadau wedi ymddangos yn The Quietus, Little White Lies, The Irish Times ac eraill. Wedi'i lleoli ger y dref enwog, mae hi wedi darllen ei straeon yng Ngŵyl y Gelli. Yn 2025, cafodd ei chomisiynu gan Lyfrgell Genedlaethol Cymru a Newyddiaduraeth Gynhwysol Cymru i greu podlediad amlddiwylliannol, cynhwysol o ran LGBTQ ar goed a enwyd yn ‘Guardian Best Podcast’. Mae hi wedi ysgrifennu a pherfformio dramâu a chomedi ar draws gwyliau celfyddydau'r DU, ac wedi derbyn Gwobr Wellcome People am theatr.