(i Gillian Clarke, 31.5.16)
Bocs tŵls a ddaeth
yn ddienw at fy nrws
Ac ynddo cefais gylleth naddu cerddi,
hefo rhybudd rhag slap wen yr Awen;
morthwyl a hoelion dychymyg,
er mwyn pedoli ‘mhrofiadau;
a lle traws ar gyfer cyfieithu,
hefo lle i ddeuddyn gyd-dynnu.
Canys Taliesin o focs tŵls oedd hwn,
a’r arfau trwm fel dryw bach o ysgafn i’m llaw,
yn sgwarnog at bob rheidrwydd,
o’r syniadau beichiog fel hadau beics,
i’r rhathell smwddio llinellau,
neu’r sbaneri o gwpledi
sy’n llacio pob deall.
Ar lafn neu garn pob un o’r tŵls
ysgythrwyd llythrennau G.C.
A chanaf yn awr i’w perchennog,
am eu rhannu mor hael â mi …
Ifor ap Glyn
Bardd Cenedlaethol Cymru
(Dyma gerdd gan Fardd Cenedlaethol Cymru, Ifor ap Glyn i gyfarch Gillian Clarke wrth i’w chyfnod fel Bardd Cenedlaethol Cymru ddod i ben ac i Ifor gymryd yr awennau. Gwahoddwyd Ifor yn 2017 i anfon neges a cherdd i gyfarch Cynhadledd Brydeinig ar Lythrennedd wrth iddyn nhw ymweld â Chaerdydd a dewisodd greu fideo o’r gerdd hon.)