Taith Lle-CHI

Bydd Ifor ap Glyn yn cynnal taith gerdded o amgylch ardaloedd chwarelyddol gogledd Cymru, rhwng 22 – 29 Mai 2021, gan gynnal cyfres o nosweithiau Zoomunedol digidol yn ystod y daith. Bydd pob un o’r nosweithiau cymunedol yn cynnwys crynodeb o hanes chwarelyddol yr ardal gan yr hanesydd Dr Dafydd Gwyn, yn ogystal â darllediadau cyntaf o gân neu gerdd newydd gan artist lleol. Bydd y darnau’n ymateb i rai o themâu’r cais UNESCO, ac yn tynnu ar brofiad personol yr artist o’u cymuned chwarelyddol. Caiff y gwaith ei gyflwyno ar ffurf fideo yn ystod y digwyddiadau cymunedol.

Yna, ar fore Sul 23 Mai, bydd oedfa yn cael ei chynnal yng Nghapel y Groes, Penygroes dan ofal y bardd, Karen Owen.

Bydd yr holl ddigwyddiadau yn cael eu darlledu ar gyfrif YouTube Llenyddiaeth Cymru a Llechi Cymru, yn ogystal â’r tudalennau Facebook, ar y dyddiadau a’r amseroedd a nodwyd isod.