Mae’n bleser mawr gennym weithio mewn partneriaeth â’n cydweithwyr mewn nifer o sefydliadau ar draws y sector ar gyfer Llyfr y Flwyddyn. Mae’r partneriaethau hyn yn sicrhau bod yr uchafbwynt llenyddol hwn yn cael yr effaith gryfaf posib, a gellir dod o hyd i’w manylion yma:
Mae’n bleser mawr gennym weithio mewn partneriaeth â’n cydweithwyr mewn nifer o sefydliadau ar draws y sector ar gyfer Gwobr Llyfr y Flwyddyn. Mae’r partneriaethau hyn yn sicrhau bod yr uchafbwynt llenyddol hwn yn cael yr effaith gryfaf posib, a gellir dod o hyd i’w manylion yma:
Cyngor Celfyddydau Cymru sy’n darparu cyllid craidd Llenyddiaeth Cymru ac maent yn yn credu bod y celfyddydau yn ganolog i fywyd a lles y genedl. Maent yn troi’r genhadaeth hon yn weithred trwy ariannu a datblygu'r celfyddydau yng Nghymru. Llywodraeth Cymru yw eu prif noddwr ac maent hefyd yn dosbarthu cyllid o'r Loteri Genedlaethol a chodi arian ychwanegol lle gallant o amryw ffynhonnell sector cyhoeddus a phreifat.
Gwefan: http://www.celf.cymru/
Llywodraeth Cymru yw Llywodraeth ddatganoledig Cymru. Llywodraeth Cymru yw prif noddwr Cyngor Celfyddydau Cymru.
Gwefan: https://gov.wales/
Mae Ymddiriedolaeth Rhys Davies yn noddi Gwobr Ffuglen Rhys Davies, categori ffuglen Saesneg Gwobr Llyfr y Flwyddyn. Bydd y wobr hon yn dathlu talentau llenyddol arbennig Cymru mewn ffuglen Saesneg ei hiaith.
Sefydlwyd Ymddiriedolaeth Rhys Davies yn 1991 gan Meic Stephens, a derbyniwyd nawdd ar ei gyfer gan Lewis Davies, brawd yr awdur Rhys Davies (1901-78). Mae’r ymddiriedolaeth yn elusen cofrestredig â’r prif nod o hyrwyddo a meithrin gwaith Cymreig Saesneg ei hiaith, yn enwedig yng Nghymoedd De Cymru ac yn y genres yr ysgrifennodd Rhys Davies.
Am ragor o wybodaeth, ewch i: http://www.rhysdaviestrust.org/
Mae’r Cyngor Llyfrau’n gorff cenedlaethol, a ariennir gan Lywodraeth Cymru, sy’n ganolbwynt i’r diwydiant cyhoeddi yng Nghymru. Mae’n darparu nifer o wasanaethau arbenigol (ym meysydd golygu, dylunio, marchnata a dosbarthu) gyda golwg ar wella safonau cynhyrchu a chyhoeddi llyfrau yn y Gymraeg a’r Saesneg.
Gwefan: http://www.cllc.org.uk/
Bydd y cyhoeddiadau eleni yn cael eu darlledu ar orsafoedd radio BBC Radio Cymru a BBC Radio Wales, ag yn rhan o raglenni Stiwdio gyda Nia Roberts a The Arts Show gyda Nicola Haywood Thomas.
Cylchgrawn diwylliant a materion cyfoes yn cynnwys newyddion, chwaraeon a chelfyddydau yw Golwg360.
Golwg360 sydd yn cydlynu gwobr annibynnol Barn y Bobl a fydd yn agor ar ôl cyhoeddi'r Rhestr Fer Gymraeg ar 20 Mehefin 2022.
Gwefan:https://golwg.360.cymru/
Platfform i genhedlaeth newydd o adolygwyr a chelf garwyr yw Wales Arts Review. Mae'r platfform yn cynnig lle i gwrdd â chael trafodaethau cadarn a chynhwysol am lyfrau, theatr, ffilm, cerddoriaeth, y celfyddydau gweledol, gwleidyddiaeth a’r cyfryngau.
Wales Arts Review fydd yn cydlynu'r People's Choice Award, a fydd yn agor ar 1 Gorffennaf 2022 ar ôl cyhoeddi'r Rhestr Fer Saesneg.
Gwefan: https://www.walesartsreview.org/
