Cyfleoedd

Croeso i dudalen cyfleoedd Llenyddiaeth Cymru, sydd yn cynnwys casgliad o gyfleoedd llenyddol mewnol ac allanol, o gystadlaethau i breswyliadau, o Gymru a thu hwnt. Pe hoffech i ni hyrwyddo unrhyw gyfle ar eich rhan, ebostiwch ni: post@llenyddiaethcymru.org

Cyfleoedd Llenyddiaeth Cymru

Awduron wrth eu Gwaith Gŵyl y Gelli – 26 Chwefror (2.00pm)

Mae Gŵyl y Gelli yn gwahodd ceisiadau newydd ar gyfer Awduron wrth eu Gwaith Gŵyl y Gelli 2026, eu cyfle datblygu proffesiynol i awduron o Gymru, mewn partneriaeth â Llenyddiaeth Cymru, gyda chefnogaeth ariannol Cyngor Celfyddydau Cymru.

Bydd y cyfle datblygu proffesiynol hwn i awduron o Gymru yn digwydd yn ystod Gŵyl y Gelli (21 Mai – 31 Mai) o ddydd Gwener 22 Mai i ddydd Sul 31 Mai 2026. Bydd y rhaglen 10 diwrnod o hyd yn galluogi’r awduron llwyddiannus i fynychu dosbarthiadau meistr, gweithdai a chyfleoedd rhwydweithio gydag awduron, cyhoeddwyr, asiantaethau ac aelodau o’r wasg o Gymru, y DU a thu hwnt. Mwy.

Rhaglen Datblygu Awduron

Mae Llenyddiaeth Cymru yn falch o lansio rhaglen o webinarau rhad ac am ddim i ysbrydoli ac addysgu awduron Cymru dros y misoedd nesaf. Bydd cyfle i gwrdd â golygyddion gweisg, awduron llwyddiannus a’r rhai sy’n gweithio o fewn y diwydiant llenyddiaeth a chyhoeddi yng Nghymru a thu hwnt. Porwch drwy’r rhaglen a cofrestrwch heddiw!

Cyrsiau ac Encilion Tŷ Newydd

Mae gennym ddewis eang o gyrsiau ac encilion creadigol ar gael yn Nhŷ Newydd – ein Canolfan Ysgrifennu Cenedlaethol. Porwch drwy’r holl gyrsiau ac encilion sydd ar gael.

Swyddi

Cerdd Gymunedol Cymru: Cyfarwyddwr – 31 Ionawr (12.00pm hanner dydd)

Cyflog – £40,981

Mae Cerdd Gymunedol Cymru yn grymuso unigolion a chymunedau difreintiedig drwy alluogi cyfranogiad mewn creadigrwydd a dysgu, gyda chreu cerddoriaeth wrth wraidd popeth a wnawn. Rydym yn chwilio am Gyfarwyddwr ysbrydoledig a phrofiadol i arwain Cerdd Gymunedol Cymru i’w chyfnod nesaf o ddatblygiad. Bydd yr ymgeisydd llwyddiannus yn dod â phrofiad sylweddol o uwch reolwyr o’r sector dielw neu breifat a bydd yn darparu arweinyddiaeth strategol i’r sefydliad.

Cyfarwyddwr – Cerdd Gymunedol Cymru | Arts Council of Wales

Creu Cymru: Swyddog Digwyddiadau ac Aelodaeth – 2 Chwefror

Mae Creu Cymru yn chwilio am Swyddog Digwyddiadau ac Aelodaeth deinamig a rhagweithiol i ymuno â’n tîm.

Mae’r swydd ran-amser hon yn ganolog i’r gwaith o ddarparu ein rhaglen ddigwyddiadau a gwasanaethau i aelodau, gan gefnogi twf ac ymgysylltiad ein rhwydwaith o sefydliadau sy’n ymwneud â’r celfyddydau perfformio ledled Cymru.

Cyflog: £31,500 FTE y flwyddyn (pro rata £17,878) ynghyd â lwfans gweithio gartref o £40 y mis.

Oriau gwaith: 3 diwrnod yr wythnos, a allai gynnwys oriau anghymdeithasol o bryd i’w gilydd neu waith ar benwythnosau. 17 diwrnod a Gwyliau Cyhoeddus.

Swyddog Digwyddiadau ac Aelodaeth (rhan amser) | Arts Council of Wales

Academi Gŵyl y Gelli – 17 Chwefror

Eisiau torri i mewn i’r diwydiannau creadigol? Gŵyl y Gelli yw’r lle perffaith i gael profiad, cwrdd â phobl newydd, a rhoi hwb i’ch gyrfa! Maent yn chwilio am bobl ifanc i ymuno â’u tîm a gweithio ar un o wyliau celf a llenyddiaeth blaenllaw’r byd.

Mae Academi Gŵyl y Gelli yn rhaglen datblygu sgiliau a phrentisiaeth ymarferol wedi’i lleoli yn y Gelli Gandryll yng Nghymru ar gyfer pobl ifanc 18-25 oed. Mae’n rhoi cyfle i bobl ifanc ddysgu, hyfforddi a phrofi’n ymarferol sut mae gwyliau a digwyddiadau byw yn cael eu creu a’u cynhyrchu gan rai o ymarferwyr digwyddiadau mwyaf profiadol y diwydiant.

Mae yna swyddi gwag ar gyfer interniaid Rheoli Digwyddiadau (yn ddelfrydol ar gyfer y rhai 20-25 oed) ac interniaid Swyddfa’r Wasg am hyd yr ŵyl, 21 – 31 Mai 2026. Y dyddiad cau yw dydd Mawrth 17 Chwefror. Darperir llety a phrydau bwyd, a thelir costau teithio o fewn y DU.

Mae Gŵyl y Gelli yn croesawu ac yn annog ceisiadau gan ymgeiswyr sydd heb gynrychiolaeth ddigonol yn y diwydiannau creadigol. Manylion llawn yma: https://www.hayfestival.com/academy

Galwadau

Mae Hack Publishing yn chwilio am 10 awdur i ymuno ar brosiect cyffrous fydd yn archwilio gwaith nawr, a diwylliant gwaith yn y dyfodol. Bydd y prosiect ar ffurf casgliad o draethodau gyda 10  persbectif gwahanol, er ein bod yn annog awduron i arbrofi gyda genre.

Yn ogystal, maent yn chwilio am awduron i gyfrannu at eu rhifyn newydd o’r cylchgrawn. Gwytnwch yw thema’r rhifyn cyntaf. Gall awduron anfon gwaith o unrhyw genre hyd at 3,500 o eiriau. Dyma gyfle i awduron newydd weld eu gwaith wedi ei gyhoeddi ar y cyd ag eraill.

Mae’r manylion llawn draw ar eu gwefan.

Wasafiri: Galwad am Bapurau a Gwobr Traethawd – Parhaus 

Mae Wasafiri yn agored ar gyfer cyflwyniadau o erthyglau a thraethodau beirniadol, adolygiadau, a chyfweliadau ar bwnc llenyddiaeth gyfoes. Mae gwybodaeth am y broses gyflwyno ar gael yma. 

Dyfernir Gwobr Traethawd Wasafiri i’r traethawd gorau o 5000-8000 o eiriau gan ymchwilydd ar ddechrau ei yrfa ar bwnc llenyddiaeth gyfoes ryngwladol. Dylid cyflwyno ceisiadau trwy borth cyflwyno Wasafiri wrth ddewis yr opsiwn i’w ystyried ar gyfer y wobr. Bydd yr enillydd yn derbyn £250, cyhoeddiad ei draethawd, sesiwn fentora, a thanysgrifiad blynyddol i Wasafiri. 

Mae mwy o fanylion am Wobr Traethawd Wasafiri ar gael yma. 

Cylchgrawn Folding Rock – Parhaus

Mae Folding Rock bob amser yn chwilio am y ffuglen a’r llyfrau ffeithiol creadigol gorau yng Nghymru, o Gymru ac sy’n gysylltiedig â hi. Rydym yn derbyn gwaith gan awduron o unrhyw gam ac oedran, ac rydym yn talu am bob darn a gyhoeddwn. Mae galwadau bob amser ar agor ond bydd galwadau thema benodol ar gyfer pob rhifyn yn cael eu gwneud dair gwaith y flwyddyn. Rydym hefyd yn derbyn cynigion am gyfieithiadau, traethodau gweledol a gwaith amlgyfrwng – edrychwch ar ein gwefan am fwy o fanylion: https://foldingrock.com/submit-your-work/

Os ydych chi’n awdur neu’n gyhoeddwr sydd â llyfr allan sy’n gysylltiedig â Chymru, dywedwch wrthym amdano yma: https://foldingrock.com/tell-us-about-a-book/

New Croton Review – Parhaus

Er bod y New Croton Review yn cyhoeddi barddoniaeth, ffuglen a ffeithiol yn Saesneg, rydym yn croesawu cyfieithiadau o waith a ysgrifennwyd mewn ieithoedd eraill (cyn belled â bod awdur y gwaith a gyfieithwyd, os oes gan awdur y gwaith a gyfieithwyd hawlfraint o hyd, wedi rhoi caniatâd i’r cyfieithu). Gall y rhai sy’n cyflwyno cyfieithiad Saesneg o’u gwaith eu hunain yn y Gymraeg hefyd gyflwyno’r fersiwn wreiddiol yn y Gymraeg a dylent nodi a yw’n well ganddynt, os derbynnir y cyfieithiad i’w gyhoeddi, gynnwys y fersiwn wreiddiol. Rhagor o fanylion: New Croton Review

Datganiadau o Ddiddordeb: Gweithdai Gorffen – 6 Chwefror

Cyfle â thâl i ysgrifenwyr creadigol yng Nghaerdydd a De Cymru

Ydych chi’n awdur creadigol sydd ag un neu fwy o brosiectau heb eu gorffen wedi’u cadw ar eich cyfrifiadur neu wedi’u cuddio mewn drôr? Ydy’r prosiectau hyn yn achosi teimladau cymhleth i chi, neu deimladau negyddol hyd yn oed megis siom, rhwystredigaeth neu gywilydd?

Mae’r Gweithdai Gorffen yn cynnig lle diogel, adeiladol yn seiliedig ar ymchwil i chi ddychwelyd i’ch gwaith anorffenedig a’i ail-ddychmygu. Cewch eich helpu i ystyried yn feirniadol yr amgylchiadau a’r amodau wnaeth ddylanwadu ar eich prosiectau anorffenedig, yn ogystal â meithrin agwedd bragmatig a hyd yn oed gadarnhaol i anorffenedigrwydd yn rhan reolaidd o ymarfer creadigol.

Byddwch chi hefyd yn creu gwaith newydd creadigol allan o waith “anorffenedig”, gan wireddu eich dyheadau wrth i chi ymateb i botensial penagored gwaith anorffenedig.

Caiff wyth ysgrifennwr creadigol eu talu i gymryd rhan mewn tri gweithdy wyneb yn wyneb ag arlwyaeth ym Mhrifysgol Caerdydd rhwng mis Mawrth a mis Mehefin 2026. Byddan nhw hefyd yn helpu i gynllunio a chynnal digwyddiad arddangos mewn lleoliad cyhoeddus yng Nghaerdydd ym mis Gorffennaf 2026, fydd yn cael ei gyflwyno ar y cyd â Llenyddiaeth Cymru.

Bydd gofyn i’r rhai sy’n cymryd rhan baratoi ar gyfer y gweithdai a bod ar gael i gwblhau arolygon (byr!) neu gyfweliadau ar-lein ar ddechrau, canol a diwedd y prosiect.

Bydd pob awdur a ddewiswyd yn derbyn ffi o £400 pan fydd y prosiect yn dod i ben. Bydd y gyfradd unffurf hon yn talu costau llafur creadigol a deunyddiau, yn ogystal â chostau cymryd rhan yn y gweithdai a’r arolygon/cyfweliadau. Y sawl sy’n cymryd rhan fydd yn cadw’r eiddo deallusol ar gyfer y gweithiau y maen nhw’n eu creu.

Bydd y prosiect hefyd yn gwrthbwyso costau teithio’r sawl sy’n cymryd rhan i’r gweithdai a’r digwyddiad cyhoeddus ac oddi wrthyn nhw, yn ychwanegol at ddarparu cyllid am arlwyo a chostau eraill sy’n gysylltiedig â’r gweithgareddau hyn.

E-bostiwch ddatganiad sy’n cynnwys dim mwy na 150 gair at beestona@caerdydd.ac.uk yn nodi natur eich gwaith anorffenedig a pham fod gennych chi ddiddordeb mewn cymryd rhan yn y prosiect. A fyddech chi cystal ag anfon bywgraffiad byr hefyd i roi syniad i ni o’ch profiad perthnasol.

Cyngor Celfyddydau Cymru: Llais y Lle – 2 Chwefror

Mae Cyngor Celfyddydau Cymru wedi lansio grantiau newydd i Lais y Lle gan agor y gronfa i sefydliadau cymunedol am y tro cyntaf. Mae’n adeiladu ar lwyddiant rowndiau blaenorol ar gyfer artistiaid unigol. Rydym yn gwahodd sefydliadau cymunedol i archwilio ffyrdd beiddgar a chreadigol o roi’r Gymraeg a diwylliant Cymru wrth wraidd eu gwaith creadigol.

Dyma her y rhaglen: sut i roi diwylliant Cymraeg a Chymreig wrth wraidd creadigrwydd cymunedol drwy annog perchnogaeth a defnydd.

Rydym yn annog sefydliadau cymunedol i gydweithio ag ymarferwyr creadigol a phobl leol i ddatblygu syniadau sy’n grymuso lleisiau Cymraeg a dathlu cyfoeth Cymru. Nid oes angen i ymgeiswyr gynnig canlyniad terfynol. Nod y gronfa yw treialu, archwilio a darganfod ffyrdd newydd o weithio. Mae’r ffocws ar osod y sylfeini am dwf diwylliannol ac ieithyddol hirdymor.

AM Cymru: Tudalen – 12 Chwefror

Mewn partneriaeth â Llyfrgell Genedlaethol Cymru, bydd Tudalen, drwy alwad agored, yn rhannu 3 darn buddugol o lên-meicro ar Ddydd Gŵyl Dewi. Cefnogir Tudalen hefyd gan Gyngor y Celfyddydau Cymru.

Rydym yn gofyn am ddarnau o lên-meicro (hyd at 500 gair) iaith Gymraeg yn ymateb i’r thema ‘Portread’, a hynny i ddathlu arddangosfa ddiweddaraf Llyfrgell Genedlaethol Cymru, ‘Portread a Phŵer’. Bydd y 3 darn budduguol yn cael eu dethol gan Banel Beirniadu arbennig, ac eu cyhoeddi ar Am ar ddydd Gŵyl Dewi. Bydd yr ysgrifenwyr buddugol yn derbyn cydnabyddiaeth ariannol o £100 yr un am eu gwaith. Tudalen: Canllawiau – Ambobdim

M2M Books: Galwad am Farddoniaeth a Rhyddiaith – 13 Mawrth

Mae Margin to Margin Books yn falch iawn o gyhoeddi galwad agored am gyflwyniadau ar gyfer ein hail flodeugerdd aml-gymunedol. Mae’r casgliad hwn yn ceisio ymhelaethu ar ystod o leisiau o’r cyrion llenyddol. Ar gyfer y gyfrol hon, rydym yn ehangu ein gorwelion. Er bod barddoniaeth yn parhau i fod wrth wraidd y prosiect, rydym hefyd yn agor y drws i ryddiaith. Rydym yn gwahodd cyflwyniadau sy’n siarad â Chymunedau Ymylol yn y categorïau canlynol: Barddoniaeth: Beiddgar, hardd, heb ei hidlo. Straeon Byrion: Ffuglen naratif sy’n archwilio cymhlethdodau hunaniaeth a lle. Traethodau: Myfyrdodau personol, beirniadaethau cymdeithasol, a phrofiadau byw. Open Call for Poetry & Prose Submissions: 2026 Anthology – Margin to Margin Books

Cystadlaethau

Eisteddfodau – Parhaus

Cynhelir nifer o Eisteddfodau ar draws Cymru ar hyd y flwyddyn, ble mae modd cystadlu mewn cystadlaethau llenyddol.

Gellir gweld y dyddiadau cau yma, neu ragor o wybodaeth yn fan hyn.