Ydych chi’n awdur yng Ngheredigion sy’n chwilio am arweiniad ymarferol ar gael cyhoeddi eich gwaith neu ei rannu’n ehangach? P’un a ydych chi’n ystyried cyflwyno eich gwaith ysgrifennu am y tro cyntaf, adeiladu portffolio, llywio cyflwyniadau i gylchgronau a chyhoeddwyr, neu’n pendroni beth yw eich camau nesaf, mae’r gweithdy rhyngweithiol dwy awr am ddim hwn wedi’i gynllunio i helpu. Cynhelir y gweithdy yn Saesneg.

Dyddiad ac amser: Dydd Sadwrn, 21 Tachwedd; 10.30yp – 12.30yp
Lleoliad: Llyfrgell Gyhoeddus Aberystwyth, Sgwâr y Frenhines, Aberystwyth SY23 2EB
Te, coffi a bisgedi am ddim
Adnoddau am ddim
Lleoedd wedi’u cyfyngu i 15

Cofrestrwch nawr! https://bit.ly/CareerSkillsWriters

Gyda’n gilydd, byddwn yn pwyso a mesur rhai o’r heriau cyffredin y mae awduron yn eu hwynebu, gan gynnwys cadw hyder, ymdrin â chael eich gwrthod, cynnal cymhelliant, a dod o hyd i gyfleoedd sy’n cyd-fynd â’ch cryfderau a’ch diddordebau. Trwy drafodaeth, gweithgareddau ymarferol ac arweiniad arbenigol, byddwch yn meithrin mwy o hyder wrth rannu eich gwaith, cysylltu ag awduron lleol eraill, a datblygu arfer ysgrifennu cynaliadwy.

Ynglŷn â’r Hwylusydd

A hithau’n hyfforddwr cwbl gymwys ac awdur cyhoeddedig, mae hwylusydd y gweithdy, Julia Forster, yn arbenigo mewn gweithio gydag awduron i ddatblygu eu gwytnwch a gwella eu siawns o gael eu cyhoeddi. Gyda 25 mlynedd o brofiad yn y diwydiant cyhoeddi, mae’n cynnig ymagwedd wybodus a realistig i’w haddysgu ar gynnal gyrfaoedd creadigol. Mae Julia yn creu gofod hygyrch, cefnogol a chyfrinachol i awduron rannu eu pryderon a’u cwestiynau sy’n gysylltiedig â gyrfa. A hithau’n fyfyrwraig PhD Ysgrifennu Creadigol ym Mhrifysgol Aberystwyth, roedd ei herthygl ddiweddaraf ‘At a Crossroads? How to choose the best writer development initiative’ ar gyfer Writers’ & Artists’ Yearbook 2027 (Bloomsbury).