PenRhydd: Podlediad newydd gan sgwennwyr am grefft, cymhelliant a chynefin

“Cyfle i fynd reit at galon y broses o greu yn ei ffurf amrwd, tra bod y ’sgwennwyr wrthi’n myfyrio, dehongli a thrïo gneud synnwyr o be ma’ nhw’n drio ddeud.” 

Iestyn Tyne 

Caiff podlediad newydd sbon lle mae rhai o awduron mwyaf cyffrous y Gymru gyfoes yn darllen a thrafod eu gwaith ar y gweill ei ddarlledu yn wythnosol dros yr hydref. 

Mae PenRhydd yn ffrwyth yr awduron Grug Muse a Iestyn Tyne a’r nod yw archwilio y grymoedd sy’n gyrru awduron i archwilio eu hamgylchfyd ar lefel corff, cymuned a byd.  

Gyda nawdd Llenyddiaeth Cymru, recordiwyd saith sgwrs ddyddiol gydag awduron blaenllaw a rhai ar ddechrau eu gyrfa ym Mhabell Lên Eisteddfod Genedlaethol Llŷn ac Eifionydd ym mis Awst.

Caiff y sgyrsiau eu darlledu yn wythnosol dros yr hydref fel a ganlyn: 

Pennod 1: Steffan Gwynn a Marged Tudur – Mawrth 17 Hydref 

Pennod 2: Leo Drayton a Marged Elen – Mawrth 24 Hydref 

Pennod 3: Dylan Huw a Talulah Thomas – Mawrth 31 Hydref 

Pennod 4: Alun Parrington – Mawrth 7 Tachwedd 

Pennod 5: Llŷr Titus a Peredur Glyn – Mawrth 14 Tachwedd 

Pennod 6: Eluned Gramich a Sara Borda Green – Mawrth 21 Tachwedd 

Pennod 7: Buddug Roberts a Mared Llywelyn – Mawrth 28 Tachwedd 

Cliciwch ar safle Linktree PenRhydd yma i ddarganfod mwy.