Dewislen
English
Cysylltwch

Rhaglen Ddigidol Rhad ac am Ddim i Ddatblygu Awduron Cymru

Cyhoeddwyd Maw 23 Medi 2025 - Gan Llenyddiaeth Cymru
Rhaglen Ddigidol Rhad ac am Ddim i Ddatblygu Awduron Cymru
Mae Llenyddiaeth Cymru yn falch o lansio rhaglen o sgyrsiau rhithiol i ysbrydoli a dyfnhau gwybodaeth awduron Cymru dros y misoedd nesaf.

Gall unrhyw un gofrestru yn rhad ac am ddim i ymuno â’r sgyrsiau hyn, sydd wedi eu trefnu i roi awduron ar ben y ffordd gyda’u gyrfaoedd llenyddol. Bydd cyfle i gwrdd â golygyddion gweisg, awduron llwyddiannus a’r rhai sy’n gweithio o fewn y diwydiant llenyddiaeth a chyhoeddi yng Nghymru a thu hwnt. Bydd y digwyddiadau yn gyflwyniad hefyd i rai o brif raglenni a phrosiectau Llenyddiaeth Cymru yn cynnwys Cynrychioli Cymru, ‘Sgwennu’n Well, Llyfr y Flwyddyn, Pencerdd a Bardd Plant Cymru, gan roi blas i chi o’r holl ffyrdd y gall Llenyddiaeth Cymru gynnig cymorth a’ch tywys ar hyd eich taith fel awdur. 

Webinarau fydd y digwyddiadau, felly cewch ymuno dros ginio neu swper, a bydd cyfle i gymryd rhan o bell drwy yrru eich cwestiynau i’n paneli amrywiol hefyd. 

Porwch drwy’r digwyddiadau ac archebwch eich lle heddiw. 

Cefnogir y digwyddiadau gan y Loteri Genedlaethol drwy Gyngor Celfyddydau Cymru.