Cyfleoedd

Croeso i dudalen cyfleoedd Llenyddiaeth Cymru, sydd yn cynnwys casgliad o gyfleoedd llenyddol mewnol ac allanol, o gystadlaethau i breswyliadau, o Gymru a thu hwnt. Pe hoffech i ni hyrwyddo unrhyw gyfle ar eich rhan, ebostiwch ni: post@llenyddiaethcymru.org

Cyfleoedd Llenyddiaeth Cymru

Swydd Wag: Cydlynydd Gweithrediadau – 10 Medi (hanner dydd)

Cytundeb penodol 12 mis, swydd llawn amser (37 awr yr wythnos). I ddechrau cyn gynted â phosib.

Cyflog: £27,000 pro rata. Lleoliad: Rydym yn dîm cydweithredol sy’n gweithio ledled Cymru, gyda swyddfeydd yn Llanystumdwy a Chaerdydd. Rydym yn gweithio mewn modd hybrid ond mae’r gallu i fynychu un o’r swyddfeydd yn aml yn hanfodol i’r rôl hon.  Swyddi Gwag a Chyfleoedd Presennol – Llenyddiaeth Cymru

Encil Llyfrau Lliwgar 2025 – 1 Medi

Mae Encil Llyfrau Lliwgar yn dychwelyd am y pedwerydd tro rhwng 7–9 Tachwedd 2025 yn Nhŷ Newydd, Llanystumdwy. Eleni eto, cynhelir yr encil am ddim i bobl LHDTC+ sy’n ysgrifennu’n Gymraeg, gan gynnig lle diogel, cyfeillgar a chynhwysol i greu, cwrdd ag eraill, ac ymateb i ysgogiadau creadigol. Yn ystod yr Encil, ceir sesiynau gan dri ysgogydd creadigol – Megan Angharad Hunter, Lowri Hedd Vaughan, a Gareth Evans-Jones – a chyfle i gymryd rhan mewn sesiynau un-wrth-un.

Yn dilyn y penwythnos, cynhelir sesiwn Zoom ar 20 Tachwedd gyda’r awdur arobryn Daf James (Llwyth, Tylwyth, Lost Boys and Fairies). Ceir llety a bwyd am ddim yn Nhŷ Newydd, ond dim ond 12 lle sydd ar gael. Llenwch y ffurflen hon erbyn 1 Medi 2025.

Am ragor o wybodaeth, cysylltwch â Gareth Evans-Jones ar llyfraulliwgar@gmail.com

Swyddi

Galwadau

Mae Hack Publishing yn chwilio am 10 awdur i ymuno ar brosiect cyffrous fydd yn archwilio gwaith nawr, a diwylliant gwaith yn y dyfodol. Bydd y prosiect ar ffurf casgliad o draethodau gyda 10  persbectif gwahanol, er ein bod yn annog awduron i arbrofi gyda genre.

Yn ogystal, maent yn chwilio am awduron i gyfrannu at eu rhifyn newydd o’r cylchgrawn. Gwytnwch yw thema’r rhifyn cyntaf. Gall awduron anfon gwaith o unrhyw genre hyd at 3,500 o eiriau. Dyma gyfle i awduron newydd weld eu gwaith wedi ei gyhoeddi ar y cyd ag eraill.

Mae’r manylion llawn draw ar eu gwefan.

Wasafiri: Galwad am Bapurau a Gwobr Traethawd – Parhaus 

Mae Wasafiri yn agored ar gyfer cyflwyniadau o erthyglau a thraethodau beirniadol, adolygiadau, a chyfweliadau ar bwnc llenyddiaeth gyfoes. Mae gwybodaeth am y broses gyflwyno ar gael yma. 

Dyfernir Gwobr Traethawd Wasafiri i’r traethawd gorau o 5000-8000 o eiriau gan ymchwilydd ar ddechrau ei yrfa ar bwnc llenyddiaeth gyfoes ryngwladol. Dylid cyflwyno ceisiadau trwy borth cyflwyno Wasafiri wrth ddewis yr opsiwn i’w ystyried ar gyfer y wobr. Bydd yr enillydd yn derbyn £250, cyhoeddiad ei draethawd, sesiwn fentora, a thanysgrifiad blynyddol i Wasafiri. 

Mae mwy o fanylion am Wobr Traethawd Wasafiri ar gael yma. 

Cylchgrawn Folding Rock – Parhaus

Mae Folding Rock bob amser yn chwilio am y ffuglen a’r llyfrau ffeithiol creadigol gorau yng Nghymru, o Gymru ac sy’n gysylltiedig â hi. Rydym yn derbyn gwaith gan awduron o unrhyw gam ac oedran, ac rydym yn talu am bob darn a gyhoeddwn. Mae galwadau bob amser ar agor ond bydd galwadau thema benodol ar gyfer pob rhifyn yn cael eu gwneud dair gwaith y flwyddyn. Rydym hefyd yn derbyn cynigion am gyfieithiadau, traethodau gweledol a gwaith amlgyfrwng – edrychwch ar ein gwefan am fwy o fanylion: https://foldingrock.com/submit-your-work/

Os ydych chi’n awdur neu’n gyhoeddwr sydd â llyfr allan sy’n gysylltiedig â Chymru, dywedwch wrthym amdano yma: https://foldingrock.com/tell-us-about-a-book/

BookTrust Cymru: Comisiwn Amser Rhigwm Mawr Cymru 2026 – 5 Medi (12pm)

Mae BookTrust Cymru yn gwahodd awduron, beirdd, ysgrifenwyr, cerddorion a pherfformwyr i’n helpu i greu cynnwys arbennig newydd ar gyfer Amser Rhigwm Mawr Cymru 2026.

Maent yn cynnig hyd at dri chomisiwn o £600 yr un. Bydd Amser Rhigwm Mawr Cymru yn digwydd rhwng 2 –6 Chwefror 2026.

Neges allweddol eleni fydd ‘Bwrlwm y Rhigwm i Bawb’. Gan ystyried hyn, maent yn chwilio am leisiau gwahanol o Gymru i’w helpu i greu cynnwys difyr ac atyniadol a fydd yn annog plant i rannu a mwynhau rhigymau, cerddi a chaneuon yn ystod Amser Rhigwm Mawr Cymru a thu hwnt.

Gallwch ddod o hyn i’r holl wybodaeth yma: https://www.booktrust.org.uk/about-us/work-with-us

Theatr y Sherman: Mireina Dy Grefft – 5 Medi

Fel rhan o’i ymrwymiad i gefnogi cymaint o bobl â phosibl i gymryd rhan mewn theatr, mae Theatr y Sherman yn cynnal rhaglen ysgrifennu wythnosol am ddim yr Hydref hwn, gan gynnig cyngor a hyfforddiant arbenigol ar faes llafur eang yn cynnwys creu cymeriadau, ail-ddrafftio a strwythuro, sut mae comisiynu’n gweithio a ffyrdd amgen o gael gwaith wedi’i greu.

Caiff y cwrs ei gynnal yn Saesneg ond mae croeso i awduron sy’n ysgrifennu mewn unrhyw iaith. Mae’r cwrs am ddim i fynychu ond mae lleoedd yn gyfyngedig. THEATR Y SHERMAN YN LANSIO MIREINIA DY GREFFT; CWRS SGILIAU WYTHNOSOL, RHAD AC AM DDIM, PEDWAR MIS O HYD | Sherman Theatre

Sub-Sahara Advisory Panel: Galwad am Ysgrifennwyr ac Ymchwilwyr – 14 Medi

Comisiwn: Dod â Hanesion Pobl Dduon, Cymreig yn fyw

Rydym yn chwilio am ysgrifenwyr, ymchwilwyr, a phobl greadigol Duon, Cymreig o’r cymunedau diaspora Affricanaidd a Charibïaidd sy’n byw yng Nghymru – i gyfrannu darnau ysgrifenedig sy’n dod â hanesion Pobl Dduon, Cymreig i fywyd.

Rydym yn gwahodd pobl i adrodd straeon sy’n greadigol, yn ymwybodol, ac sy’n seiliedig ar ddigwyddiadau go iawn. Dylai’r canlyniad fod tua 1,000 o eiriau, wedi’i ysgrifennu mewn arddull newyddiaduraethol neu ffeithiol, gyda’r nod o’i ddefnyddio fel adnoddau addysgol a’u cyhoeddi ar ein gwefan.

Bydd eich gwaith yn cyfrannu at ‘Kumbukumbu’, platffform digidol sy’n mapio etifeddiaeth Gymreig-Affricanaidd drwy adrodd straeon a hanes. Mae’r prosiect yn archwilio sut y gall Cymru – gyda’i hetifeddiaeth ei hun o wladychu a diwylliant dwfn o gofio trwy iaith, lle, a stori – fod yn le o rannu atgofion, undod, ac ailddychmygu.  Galwad am Ysgrifennwyr ac Ymchwilwyr | Arts Council of Wales

Comma Press: The Book of Cardiff – 26 Medi (hanner nos)

Galwad agored am straeon gan awduron Caerdydd.

Mae Comma Press yn chwilio am straeon byrion ar gyfer antholeg newydd The Book of Cardiff.

Genre: Ffuglen – straeon byrion.. Nifer o eiriau: 2,000 – 6,000 o eiriau. Iaith: Derbynnir straeon yn y Gymraeg neu yn Saesneg.

Croesewir straeon sydd heb eu cyhoeddi o’r blaen. Rhaid lleoli’r stori yng Nghaerdydd, a rhaid i’r awduron ddod o Gaerdydd yn wreiddiol, neu fod â chyswllt cryf â’r ddinas.

Caiff y gyfrol ei golygu ar y cyd gan Martha O’Brien, awdur, ymchwilydd a golygydd o Gaerdydd, ac Isabella Barber, golygydd yn Comma Press.

Ceir rhagor o fanylion am sut i gyflwyno gwaith ar gyfer yr antholeg ar wefan Comma Press. Cefnogir yr antholeg gan Gyngor Llyfrau Cymru.

Dysgu Creadigol Cymru: Galw am Bartneriaid Dysgu Creadigol: Arbrofi – 26 Medi (hanner dydd)

Ydych chi’n artist neu oes gennych chi brofiad helaeth o ymarfer creadigol? Ydych chi’n credu ym mhwysigrwydd creadigrwydd mewn addysg? Allwch chi danio dychymyg pobl ifanc? Os felly, rydym am glywed gennych chi.

Rydym yn cynnig cyfle unigryw i fod yn rhan o raglen sydd â’r nod o daflu golau newydd ar addysgu a dysgu. Rydym yn chwilio am weithwyr creadigol proffesiynol profiadol i ymuno â’r Rhaglen Arbrofi fel Partneriaid Dysgu Creadigol, i gyd-ddylunio a chyd-gyflwyno arbrofion dysgu drwy ddull ymholiad mewn ysgolion ledled Cymru. Dysgu Creadigol Cymru – Galw am Bartneriaid Dysgu Creadigol | Arts Council of Wales

Galwad Agored am Artistiaid Anabl: Arddangosfa Genedlaethol Celfyddydau Anabledd Cymru (2025-26) – 22 Hydref

Cystadlaethau

Eisteddfodau – Parhaus

Cynhelir nifer o Eisteddfodau ar draws Cymru ar hyd y flwyddyn, ble mae modd cystadlu mewn cystadlaethau llenyddol.

Gellir gweld y dyddiadau cau yma, neu ragor o wybodaeth yn fan hyn.