Dewislen
English
Cysylltwch

Mae rhai yn mynd ar antur

i gopa’r mynydd mawr,

ac eraill fesul cragen ar y traeth.

 

Mae rhai yn mynd i’r jwngwl

yn chwys doman rhwng y dail.

Neu’n gwneud ôl traed

ar diroedd gwynion oer.

 

Ond does yr un antur

fel fy antur i.

 

Mynd i fyd gwirion bost

fesul odl,

fesul gair,

lle mae’r nos yn amryliw

a’r dyddiau yn aur.

 

Cymharu,

dyfalu,

dim stop ar yr holi.

 

Ar hap,

creu adwy arall

i fynd trwyddi.

 

Un antur fawr,

heb fap, nac arwydd.

Dim ond dilyn y geiriau.

 

Dychymyg yw’r trywydd.

 

 

Anni Llŷn

 

Nôl i Cerddi Bardd Plant Cymru