Awdur ac artist Bangladeshaidd a aned yng Nghymru yw Jaffrin Khan sydd yn byw ac yn gweithio rhwng Caerdydd a Llundain.

Mae ei barddoniaeth a’i rhyddiaith yn trafod trawma personol, materion tabŵ yn y gymuned De Asiaidd gan gynnwys diwylliant, crefydd, ffeministiaeth, delwedd y corff yn ogystal â’r manylion cynnil am gariad a chasineb yn y perthnasoedd oll yn ein bywydau.

Mae ei hymarfer creadigol amlddisgyblaethol yn cynnwys darluniau olew digidol, cerfluniau ceramig a resin sy’n cynrychioli diwylliant bwyd, traddodiadau, hunaniaethau, iechyd a’r amgylchedd yng nghyd-destun Bangladesh. Mae ei gwaith hefyd yn archwilio profiadau’r cymunedau alltud Bangladeshi ac yn myfyrio ar orffennol trefedigaethol De Asia a’r berthynas sydd gennym â’r hanes hwnnw heddiw.

Patricia Morgan o'r band arbrofol dylanwadol Datblygu yw un o faswyr benywaidd cyntaf y sîn roc Gymraeg.

Mae Rufus Mufasa yn artist cyfranogol arloesol, yn weithredydd llenyddol, yn fardd, yn rapiwr, yn gantores gyfansoddwraig, yn wneuthurwr theatr, ac yn olaf ond nid yn lleiaf, yn Fam.​

O Gymrawd Barbican i Fardd Preswyl cyntaf Deddf Llesiant Cenedlaethau'r Dyfodol, mae Rufus hefyd yn gweithio'n rhyngwladol, gan sicrhau preswyliadau llenyddol o Ŵyl Lenyddiaeth y Gelli i Sweden, y Ffindir, Indonesia, ac yn fwyaf diweddar Zimbabwe, ond mae bob amser yn dychwelyd i People Speak Up yn Llanelli, Cymru, gan hyrwyddo addysg hip hop, perfformio barddoniaeth, a datblygiad rhwng cenedlaethau, a chafodd ei phenodi yn Fardd ar Bresgripsiwn 2021. Roedd yn ‘Artist Hull 19’ fel rhan o fenter y BBC Contains Strong Language. Flashbacks and Flowers yw ei chasgliad cyntaf, a gyhoeddwyd gan Indigo Dreams, a wobrwywyd am eu harloesedd yn cyhoeddi, ac mae hefyd wedi rhyddhau ail albwm unigol yn 2021. Mae gwaith Rufus yn archwilio mamolaeth, ysbrydolrwydd llinach, dosbarth, anhrefn hinsawdd, trawma traws-genhedlaeth, y dwyfol a’r domestig, ffeministiaeth a ffydd.​

Twitter: @rufusmufasa​
Gwefan: https://www.rufusmufasa.com/

Cyn symud i orllewin Cymru yn 2002, treuliodd Branwen Munn wyth mlynedd yn gweithio yn Llundain fel peiriannydd sain, cerddor, a chynhyrchydd, gan gydweithio ag artistiaid arloesol fel 4hero, Talvin Singh a Lady Miss Kier (Deee-lite) ar ystod o albymau a digwyddiadau nodedig a chatalog enfawr o recordiadau newydd blaengar ar gyfer y sîn ddawns electronig. Yn ystod y cyfnod hwn cafodd ei chredydu ar gyfer ei gwaith peirianneg a rhaglennu ar gyfer dau enwebiad Gwobr Gerddoriaeth Mercury (gan gynnwys yr enillydd yn achos “OK” gan Talvin Singh). Cafodd hefyd gyfle i recordio cerddorion clasurol Indiaidd o’r radd flaenaf ym Mumbai a Madras, cydlynu y gwaith peirianneg sain ar albwm “Music” Madonna, a chymryd rhan mewn amryw o berfformiadau byw arwyddocaol, mewn rhai achosion fel cyfarwyddwr cerdd, mewn lleoliadau megis y Barbican, Theatr Bloomsbury, clwb nos The End, a digwyddiadau fel Jazz Montreux Gŵyl, Gŵyl Enit Perry Farrell (UDA) a Gŵyl Crossing Borders (Holland).​

Ers symud i orllewin Cymru, mae Branwen wedi parhau i recordio, cymysgu a chynhyrchu yn GoldHill Studio, stiwdio recordio mae hi’n berchen arno. Yno, mae hi’n datblygu ei cherddoriaeth ei hun ac yn gweithio i ystod amrywiol o gleientiaid gan gynnwys Coco & Cwtsh (Cymru), Keith James (DU), LAL (Canada) a Rae Spoon (Canada).​

Mae Branwen hefyd wedi creu gyrfa fel cyfansoddwr, gan greu cerddoriaeth gwreiddiol ar gyfer y theatr a sgrin, gan gynnwys gwaith i National Theatre Wales, Theatr Genedlaethol Cymru, Radio Cymru, Radio 4, Awst 012, Leeway Productions, Give it a Name, Mary Bijou Cabaret a Clwb Cymdeithasol, Carys Eleri, f.a.b. The Detonators, Emily Laurens, a RainDove. ​

Mae gwaith cyfansoddi amlgyfrwng Branwen yn asio offerynnau acwstig ac offerynnau cerdd gyda'i defnydd eiconig o syntheseisyddion, dyluniad sain ac electronica.