Dewislen
English
Cysylltu

Her 100 Cerdd #24: Ffermwyr Ifanc

Cyhoeddwyd Mer 2 Hyd 2019 - Gan Elinor Wyn Reynolds

Ffermwyr Ifanc

Sdim pechod mewn bod yn ifanc,
achos chi sy bia’r byd –
pob cae, a chlawdd, pob nant a ffos, pob cornel –
cadwch nhw’n ddiogel am mai chi
sy’n berchen ar heddi, ac yfory o ran hynny.
Ac fe gewch chi sgwaru lan i fywyd
a dangos eich bod chi’n meddwl busnes,
eich bod chi’n hen, hen barod am bob dim a ddaw;
chi ffemrwyr ifanc, chi bobl y dyfodol,
chi ffurfwyr ffawd, chi geidwaid ein tir.

 

– Elinor Wyn Reynolds, 6.15pm

 

Yn ymateb i gais gan Clwb Ffermwyr Ifainc Dyffryn Nantlle:

Her 100 Cerdd 2019