Her 100 Cerdd #28: Llyfrgelloedd

Llyfrgelloedd

Ymgollais mewn llyfrgelloedd

drwy fy mhlentyndod,

yn hud a lledrith y llyfrau

a’r cyfleodd lu a siapiodd

sgôp fy nychymyg.

Nythais rhwng y silffoedd

a dianc i fydoedd estron,

ac eisteddais yng nghwmni

beirdd ac awudron a ddangosodd

i mi sut mae dal yr awelon;

sut mae creu fy ngwialen greadigol,

ei chastio, a disgwyl yn fud

am y brathiad a’r crychdonau

a grea egin stori neu gerdd;

sut i’w trin, sut i’w meithrin,

a sut i’w gofalu wedi’r aros.

– Beth Celyn, 7.18pm

Mewn ymateb i gais gan Bethan M. Hughes ar Twitter: