Her 100 Cerdd #41: Cerdd Alaw

Cerdd Alaw

Weithiau dwi’n teimlo mor nerfus
nes bod fy nghoesau’n crynu fel jeli,

ac weithiau mae’r pryder yn cnoi

fel tasa bochdew yn fy mol i!

Ond pan dwi’n teimlo felly

caeaf fy llygaid ac anadlu’n ddofn,

a chofiaf am yr holl bethau

nad ydw i eu hofn.

Ac atgoffaf fy hun yn ddewr

am yr holl bethau, hyfryd da

sy’n fy ngwneud i yn fi

ac sydd wedi fy arwain i yma.

– Beth Celyn, 10.17 pm