Her 100 Cerdd #61: Greta

Greta

Ar gais Erin Owain (eowain8), Thomas H James (@Rhygyfarch) a Lyn (@passingstranger)

Nid cwlt yw Greta gyda’i môr o gymhelliant

na’r bobl ifanc eraill a floeddia

dros donnau ein hargyfwng ni.

Mae dros ganrif a hanner o wthio wedi creu

miloedd o flynyddoedd o flerwch

ac mae angen i ni sobri.

Felly pan feiddiwch honni bod Greta a’i ffrindiau

yn corddi ein normalrwydd

a’n drysu ein dyddiau;

ystyriwch am eiliad pam mai bygythiad a welwch

yn hytrach na’r gwirionedd

a wreiddia’n eu geiriau.

– Beth Celyn, 1:57 am