Dewislen
English
Cysylltu

Her 100 Cerdd #82: Arddel

Cyhoeddwyd Iau 3 Hyd 2019 - Gan Dyfan Lewis

Arddel

Sgwennais un tro
am ddeffro’n flin
i sŵn yr adar,
eu jiawlio fel dyn
oedd wedi danto
ac eisiau cysgu.

Doedd gennai ddim gair
am y clebar mawr
yn fy mamiaith
dim ond geiriau benthyg
nad oedd yr un fath.

Ond bellach mae’n fore eto,
mae pawb yn deffro,
ac rwyf innau wedi’n swyno
gan gôr y bore bach.

 

– Dyfan Lewis, 7.21am

 

Cerdd am ysgrif wnaeth Dyfan ysgrifennu i O’r Pedwar Gwynt.
Her 100 Cerdd 2019