Her 100 Cerdd #91: Meddwl am adre’

Meddwl am Adre’

Nid oes yn awr ond dechre’ meddwl am adre’

wrth i’r her ddirwyn i ben yn ara’ bach.

Mae egni’r caffîn yn dechrau gwagio o’n cyrff,

a’n boliau’n llawn o fflwcs siwgwraidd, melys.

Llusgwn ein beiros yn flinedig ‘r hyd ein dalennau,

a thap-tapiwn ein bysellfyrddau’n drymach yn awr.

Try’n meddyliau’n llawn ffradach am wely a chwsg,

a gyrru’n ein blaenau yn ôl i fröydd ein mebyd.

– Matthew Tucker, 10:45 am