Dewislen
English
Cysylltu

Her 100 Cerdd #95: Gwagio Tŷ

Cyhoeddwyd Iau 3 Hyd 2019 - Gan Elinor Wyn Reynolds

Gwagio tŷ

 

Daw profiad i ran pawb, am wn i,

gorfod rhoi pen ar fwdwl holl gwmwl atgofion y teulu

oherwydd bu farw’r ddau dda fu’n byw’n y cartref hwn

a chyda hynny daeth ein hamser ni yma i ben,

mae’n bryd dweud amen.

Mae’n bryd cau y drws ar y tŷ,

mae’n bryd tynnu’r llenni

rhoi’r allwedd yn y clo a rhoi’r tro ola iddi, sbo

mae’n bryd gwerthu,

mae’n bryd symud ymlaen

er mwyn i bobl eraill gael byw eu teulu nhw yno.

 

– Elinor Wyn Reynolds, 11:05 am

Her 100 Cerdd 2019