Her 100 Cerdd #98: Cerdd o Fawl i Alun Wyn Jones
Cyhoeddwyd Iau 3 Hyd 2019
Cerdd o fawl i Alun Wyn Jones
Ar gais dosbarth Blwyddyn 12 @cymraegglanclwyd
Pan lithra’r gêm oddi wrthom,
trown at un, ein harwr dewr,
i’n codi o ddyfroedd ein colled,
a’n rhoi yn ôl ar ben y lôn.
Ein draig tanbaid, ein capten cryf,
carlama ar hyd pob cae
fel llew’n gwarchod ei orsedd
yn cwrso ar ôl ei brae.
Dilynwch chithau Gymry
yn ffyddlon wrth ei ôl,
a throwch Siapan yn oriel
o’ch llwyddiant di-droi-nôl.
– Matthew Tucker, 11.31 am