Enillydd Gwobr ‘Rising Stars’ Cymru 2020 yn Cyhoeddi ei Gasgliad Barddoniaeth Gyntaf

O fferins blewog i freuddwydion prydferth, dyma gasgliad o gerddi i’w mwynhau. Mae cerddi Alex, a gyfansoddwyd ar gyfer plant 7-11 mlwydd oed, yn ddoniol ac yn feddylgar, yn anelu at danio cynefindra a chynhwysiant, ac yn ehangu’r meddwl mewn ffyrdd dychmygus a chwilfrydig. Mae rhythm, odl, a mesur rhydd y cerddi yn golygu eu bod yn addas i’w perfformio mewn ysgol wrth geisio meithrin cariad ar iaith, darllen, hyder a hunanfynegiant.  Mae’r gyfrol wedi ei ddarlunio’n hyfryd gan y darlunydd ifanc talentog, Kary Riddell.

Ym mis Tachwedd 2019, daeth Llenyddiaeth Cymru a Firefly Press ynghyd i ffurfio Gwobr Rising Stars Cymru 2020, menter newydd ar gyfer beirdd plant o gefndiroedd Du, Asiaidd neu leiafrif ethnig, sy’n byw yng Nghymru. Llwyddodd y wobr hon i ddarganfod talent newydd, darparu cyfleodd, a rhoi llwyfan i dri unigolyn talentog. Mae’r beirdd yn parhau i ddatblygu fel awduron ac yn llwyddo gyda chyfleoedd pellach yn dilyn y wobr. Mae’n braf gan Llenyddiaeth Cymru weld bod Alex Wharton, Rising Star 2020, wedi derbyn cytundeb cyhoeddi gyda Firefly Press ar gyfer ei gasgliad barddoniaeth i blant, Daydreams and Jellybeans, ac mae’n wych gweld bod y dyddiad cyhoeddi, 28 Ionawr 2021, wedi ei gadarnhau.

Mae Llenyddiaeth Cymru a Firefly Press nawr yn derbyn ceisiadau ar gyfer Gwobr ‘Rising Stars’ 2021. Dyma gyfle ar gyfer awduron sydd ar gychwyn eu gyrfaoedd i ddatblygu eu hymarferion creadigol. Dros gyfnod o flwyddyn, bydd ymgeiswyr llwyddianus Rising Stars Cymru 2021 yn derbyn gwobr ariannol, ynghyd â sesiwn mentora gydag enillydd blaenorol y wobr yn 2020, Alex Wharton. Yn ogystal, bydd y beirdd yn derbyn cyfleoedd i ddarganfod rhagor am y diwydiant llenyddol a’r diwydiant Cyhoeddi gan arbenigwyr proffesiynol Firefly Press ynghyd â chefnogaeth a chymorth parhaus gan y tîm yn Llenyddiaeth Cymru. Mae rhagor o wybodaeth ar pwy sydd yn gymwys a sut i ymgeisio am Wobr ‘Rising Stars’ 2021 ar gael yma.

Yn ôl Joshua Seigal:

“Dyma gasgliad o gerddi hyfryd a chynnes, sydd yn hanu o ddirgelwch a rhyfeddod”

Dywedodd Matt Goodfellow:

“Mae Daydreams and Jellybeans yn datgelu byd sy’n gyfoethog o natur, lliw a chynhesrwydd. Mae’r cyfuniad o eiriau a lluniau yn creu casgliad cyntaf hyderus a sicr a fydd yn cael ei fwynhau gan oedolion yn ogystal â plant.”