Her 100 Cerdd #26: O’r Dyfnderoedd

O’r dyfnderoedd

Cerdd i’m dyweddi, Ebony, am ei chefnogaeth a’i hanogaeth wrth imi ddygymod â chyfnod o straen.

Di-long oeddwn mewn trobwll o fôr

a suddo’r oeddwn i’r dyfnderoedd.

Ni welir ond y duwch yn agosáu,

pob dafn o ddŵr yn fy nghrogi

ac yn fy nhynnu i lawr, i lawr…

Nes daeth un, rhyw angel dlos,

i afael ynof, a’m tynnu,

a’m codi yn ôl tua’r goleuni,

y dafnau’n llacio,

f’anadl yn dychwelyd imi

yn ei mynwes gynnes hi,

hi â’i chalon a choeliodd ynof

wrth iddi hi fy llywio’n fy ôl

yn ofalus i’r lan.

– Matthew Tucker, 6:33 pm