Her 100 Cerdd #67: O Singleton i SA1
Cyhoeddwyd Iau 3 Hyd 2019
O Singleton i SA1
Myfyrdod ar symudiad f’astudiaethau o gampws Singleton, Prifysgol Abertawe yn y Mwmbwls, i gampws SA1, Prifysgol Cymru Y Drindod Dewi Sant wrth imi ddechrau Cwrs TAR Uwchradd Cymraeg.
Ar ddiwrnod digon braf, daliaf i weld y Mwmbwls
yn llechu’n y pellter, yn fy ngwahodd yn ôl
at odidowgrwydd ei glannau hi.
Rhyw ddydd mae’n siŵr dywedaf fi wrthi,
ond wedi meddwl eto, nid yn fuan.
Dwi’n y marina nawr ymysg ei chychod crand hi
a’i chraeniau rhydlyd, ac atgofion am goedydd
Singleton a gronynnau euraidd y bae
yn llithro’n eu hôl i gefn f’ymennydd.
Sŵn drilio a tharmacio sydd i’w clywed yn awr,
nid sisial ling di long y môr. Rhyw ffordd, roedd amser
yn arafach draw yn Singleton, a bywyd yn llai o straen…
– Matthew Tucker, 3:33 am