Dewislen
English
Cysylltu

Her 100 Cerdd #86: Stori fawr y stori fer

Cyhoeddwyd Iau 3 Hyd 2019 - Gan Elinor Wyn Reynolds

Stori fawr y stori fer

Cerdd i Gystadleuaeth Stori Fer rhaglen Aled Hughes, BBC Radio Cymru.

 

Un tro, amser ddim mor faith yn ôl,

aeth holl blantos Cymru ati i ddweud eu stori

a honno’n un anhygoel –

wna i ddim bradu geiriau nawr

na’ch bôrio

dim ond adrodd ffeithiau moel –

a chyn eich bod chi’n amau, mi ddweda i yn glir,

gan Al Hughes ges i’r hanes,  felly mae’n rhaid ei fod yn wir.

 

Mae’n stori sy’n llawn antur

a dreigiau a phethau gwyllt,

mae’n byrstio â chwerthin a direidi

mae’n gorlifo â dagrau a hanesion trist,

mae’n stori am famau a thadau a phlant

mae’n stori am berthyn,

am gyrraedd, am gerdded bant

mae’n stori am orffen a dechrau eto, plis,

mae’n stori am faddau, am golli, am dalu pris.

 

Dyma’r stori lle mai’r plant yw’r awdur

y stori lle mae pob un yn arwyr

a phawb yn rhoi yn eu stori fer hwy

yr allwedd i ni ddeall y stori fwy.

 

– Elinor Wyn Reynolds, 8.30 am

Her 100 Cerdd 2019