Her 100 Cerdd #99: Drws Rhif 10 Stryd Downing

Drws Rhif 10 Stryd Downing

(yn Amgueddfa Lloyd George)

Pwy sydd awydd camu drwy’r drws sglein du,

taro deg yn fwy na deuddeg, bod yn ddewr, mynd amdani?

Heddiw’n fwy nag erioed, myn yffarn i,

mae angen arwyr arnom ni,

rhywun i arwain, i ddangos esiampl, i fod yn egwyddorol,

rhywun i ymddwyn yn … Brif Weinidogol.

Wy’n rhoi tro ar y drws ond mae ar glo

sdim hawl gan yr un ohonom ni fynd drwyddo.

– Elinor Wyn Reynolds, 11.44 am