Dewislen
English
Cysylltu

Her 100 Cerdd #25: Matteo yn y Goedwig

Cyhoeddwyd Mer 2 Hyd 2019 - Gan Dyfan Lewis

Matteo yn y Goedwig

 

Deffrodd Matteo yn wyllt o’i go

i wisgo welis a mynd am dro.

Aeth i sathru yn y pyllau dŵr

gweiddi i’r nef a chodi stŵr.

Wedyn cripian yn dawel i gyd

ar hyd y llwybr trwy’r coed yn fud.

Gwelodd lwynogod a’r adar mân,

moch daear, draenogod a chanod ei gân

i’r goedwig mwyaf hynod sydd,

cyn rhedeg nôl adre erbyn diwedd y dydd.

– Dyfan Lewis, 8:29 pm

Her 100 Cerdd 2019