Cynllun Nawdd Llên a Lles

Yn ystod gwanwyn 2018 fe gefnogodd Llenyddiaeth Cymru naw prosiect a ddyfeisiwyd gan awduron gyda grŵp targed mewn golwg. Ymysg y grwpiau hyn roedd unigolion sydd wedi profi digartrefedd, ceiswyr lloches, merched sydd wedi dioddef trais yn y cartref, neu unigolion sydd mewn peryg o deimlo datgysylltiad neu gael eu gwthio i gyrion cymdeithas.

Cynhaliwyd galwad llwyddiannus i awduron ac artistiaid i greu ac arwain cyfres o weithdai ysgrifennu creadigol yn y gymuned a gyhoeddwyd ym mis Awst 2017.

Mae profion glinigol wedi dangos bod cymryd rhan mewn ysgrifennu creadigol a darllen yn fuddiol i’n llesiant, yn gorfforol ac yn feddyliol, a gall wella bywydau. Nod y Cynllun Nawdd Llên a Lles oedd rhoi’r cyfle i unigolion a chymunedau ledled Cymru adrodd eu straeon ac ysgrifennu eu dyfodol.

Ceir gwybodaeth bellach am bob prosiect ac am yr awduron ac artistiaid sy’n eu harwain isod:

Camau at Adferiad

Ysgrifennu Creadigol ar gyfer pobl sy'n gwella ar ôl camddefnyddio sylweddau yng Nghaerdydd gyda Christina Thatcher.

Gweithdai Perfformio Barddoniaeth gyda'r Digartref

Cyfres o weithdai perfformio barddoniaeth gyda'r digartref ac unigolion sydd mewn peryg o gael eu hynysu o'r gymdeithas gyda Frank Thomas yn ardaloedd Abertawe a Chasnewydd.

Geiriau’n dawnsio: Cerddi’r corff

Cyfres o weithdai barddoniaeth a symudedd gyda grŵp dawns i bobl dros 60 oed yng Nghaernarfon, gyda Gwion Hallam a Cai Tomos.

Write it Out: Gweithdai Ysgrifennu Creadigol LGBT

Gweithdai ysgrifennu creadigol a pherfformio gydag awduron LGBT+ yn Aberystwyth a Chaerfyrddin gyda Helen Sandler a Gemma Brewer.

Blodau Disglair

Sesiynau ysgrifennu creadigol gyda merched mewn peryg/sydd wedi goroesi trais yn y cartref yng Nghaerfyrddin gyda Mel Perry.

Prosiect Ysgrifennu Creadigol Carchar y Berwyn

Cyfres o weithdai ysgrifennu creadigol gyda charcharorion cymraeg yng Ngharchar y Berwyn gyda Sian Northey.

Preswyliad barddoniaeth mewn uned gofal lliniarol

Preswyniad barddoniaeth yn uned gofal lliniarol Ysbyty Bronglais ac yng nghymuned Aberyswtyth. Y bardd yw Mererid Hopwood.