Bydd y panel asesu yn cynnwys aelodau o dîm Gŵyl y Gelli a Llenyddiaeth Cymru, a Tiffany Murray – curadur ac arweinydd y rhaglen. Byddwn yn chwilio am arloesedd, angerdd, a bwriad clir o ran eich dyheadau a’ch uchelgais fel awdur.

Bydd yr asesiad yn canolbwyntio ar sicrhau grŵp o awduron sydd yn amrywiol ac yn gynrychiadol o ran daearyddiaeth, profiad sgwennu, ieithoedd, ac unrhyw brofiad bywyd fydd wedi ei nodi yn y cais a fydd yn cynnig persbectif newydd i lenyddiaeth yng Nghymru.

Byddwn yn cysylltu gyda’r holl ymgeiswyr yn ystod yr wythnos sydd yn dechrau ar 8 Mai 2023.

Bydd y rhaglen yn dechrau am 10.00 am fore Sadwrn 27 Mai ar safle’r Ŵyl, ac yn gorffen ddydd Sadwrn 3 Mehefin, a bydd yn gyfle i chi ymgolli’n llwyr mewn gwledd o gyfleoedd datblygu proffesiynol ar gyfer awduron.  Bydd pob diwrnod yn wahanol, ac yn cynnwys sgyrsiau, gweithdai, ymweliadau i ddigwyddiadau’r Ŵyl a mwy. Bydd rhagor o wybodaeth am strwythur a chynnwys yr wythnos yn cael ei ddarparu cyn gynted â phosib o flaen llaw. Byddwch yn cwrdd â nifer o siaradwyr, darllenwyr a hwyluswyr gwadd, yn ogystal â chynrychiolwyr o’r diwydiant yn ystod yr wythnos.

Byddwch yn derbyn eich prydau (brecwast, cinio, a swper) ar safle’r Ŵyl yng nghyfleusterau arlwyo’r staff. Bydd darpariaeth ar gyfer rheiny ag alergeddau/anghenion dietegol. Bydd coffi, te, a diodydd eraill ar gael drwy gydol y diwrnod. Nodwch os gwelwch yn dda y bydd angen i chi dalu am unrhyw fwyd neu diod fydd wedi eu prynu tu hwnt i gyfleusterau arlwyo’r staff arlwyo neu’r Ystafell Werdd.

Byddwn yn ad-dalu costau teithio un ffordd i’r (ac adre yn ôl o’r) Wŷl.

Mae hyn yn cynnwys:

• Tocyn Trên Dwy Ffordd Safonol
• Tocyn Bws Dwy Ffordd Safonol
• Lwfans Petrol @ 45c y filltir

Gall Treuliau fod yn gyfuniad o’r uchod e.e. tocyn trên a bws. Gallwn brynu tocyn o flaen llaw ar eich rhan, neu gallwch gadw derbynneb, fel arall gallwch lenwi ffurflen arian petrol a bydd eich costau teithio yn cael eu ad-dalu pan fyddwch chi’n cyrraedd yr Ŵyl.

Bydd yr awduron yn lletya mewn tai yn y Gelli Gandryll neu’r ardaloedd cyfagos, yn dibynnu ar argaeledd. Yn anffodus, mae prinder llety yn ystod yr ŵyl felly ni allwn sicrhau ystafelloedd ensuite.

Yn anffodus, oherwydd fod y cyfnod asesu yn dynn a’n bod yn disgwyl nifer helaeth o geisiadau, ni fyddwn yn gallu rhoi adborth i bob cais aflwyddiannus. Serch hynny, gyda’ch caniatâd, fel a amlinellir yn adran GDPR y ffurflen gais, efallai y bydd Gŵyl y Gelli a Llenyddiaeth Cymru yn dymuno cysylltu â chi eto i drafod cyfleoedd pellach.

Mae’r rhaglen yn croesawu awduron sy’n ysgrifennu yn Saesneg ac yn Gymraeg. Serch hynny, bydd mwyafrif y rhaglen yn cael ei gynnal drwy gyfrwng y Saesneg.

Mae timoedd Gŵyl y Gelli a Llenyddiaeth Cymru ar gael i drafod unrhyw ofynion mynediad neu ofidiau sydd gennych cyn ac yn ystod y cwrs. Mae safle’r ŵyl yn hygyrch i ddefnyddwyr cadeiriau olwyn, ac mae gofodau digwyddiadau â dolenni sain (induction loops). Rydym yn caniatáu cŵn tywys. Os gwelwch yn dda, cysylltwch â ni i drafod hygyrchedd, a byddwn yn gwahodd pob awdur i anfon ffurflen Anghenion Mynediad cyn i’r ŵyl ddechrau.

Yn bennaf, rydym yn awyddus bod egin awduron ac awduron sydd â pheth profiad ond â llawer o botensial yn elwa o’r cynllun hwn. Nid oes, o reidrwydd, angen llawer o brofiad ysgrifennu arnoch, dim ond syniadau da ac agwedd bositif a phenderfynol. Fel unrhyw grefft arall, mae ysgrifennu yn gallu bod yn heriol ac mae angen llawer o ymdrech ac ymroddiad. Bydd y rhaglen hon yn eich helpu i ddatblygu’r dulliau a’r sgiliau sydd eu hangen arnoch chi i ddechrau, a pharhau ar eich taith fel awdur.

Fodd bynnag, os ydych eisoes yn awdur profiadol, er enghraifft efallai eich bod wedi cyhoeddi llyfr neu bamffled, efallai y byddwch yn dal i ganfod bod rhwystrau sy’n eich atal rhag cyrraedd eich llawn botensial, neu efallai y byddwch am arbrofi gyda ffurf lenyddol neu iaith wahanol. Bydd gan bawb ddiffiniad gwahanol o beth mae profiad yn ei olygu, a lle mae nhw’n credu y maent wedi eu gyrraedd ar eu taith fel awdur.